AT ASHINDA KESI DHIDI YA MGANGA WA JADI ALIYEMSHITAKI KWA KUTOMLIPA PESA BAADA YA KUPANDISHA NYOTA YAKE

Muimbaji wa Mduara, AT ameshinda kesi iliyokuwa ikimkabili na
iliyofunguliwa na mganga wa jadi kwa madai kuwa hakulipwa fedha baada ya
kumpandisha nyota na kupata mafanikio mengi.

Akizungumza XXL ya Clouds FM, AT amesema uamuzi huo ni faraja kwake kwakuwa ilimfanya ashindwe kufanya mambo yake.

“Hukumu imetolewa kama dakika tano zilizopita lakini tulikuwa
tumefika toka asubuhi saa mbili, kwahiyo itambulike kuwa AT ni msanii
huru,” alisema.

“Namshukuru Mungu kwa uwezo wake mkubwa kuonyesha
waganga wa jadi kwamba yeye yupo na kazi yake ni kubwa na haingiliwi na
mtu.”

“Nimeshinda kwa kishindo kama CCM na sasa najisikia faraja sana, kwa
sababu kiukweli kabisa nilikuwa nashindwa kufanya kazi zangu za muziki
hata kama nyimbo nzuri basi nahisi hata hii nyimbo ikienda hata kama
itafika nitaambiwa nimelogezea hali ya kuwa sio kweli,” aliongeza.

“Pia hata mashabiki zangu nilikuwa nimewaangusha, sasa hivi ndo muda
muafaka ndio maana hata nilijifungia ndani nilikuwa nakosa uhuru wa
kuishi. Kwahiyo hii kesi imeathiri vitu vingi imenitia nuksi, naacha
huu mwaka uishe ili nijipange na mwaka ujao.”

TOA MAONI YAKO HAPA CHINI

LIKE PAGE YETU HAPO PIA SHARE STORY NA RAFIKI ZAKO