Mapenzi bhana! Baada ya kutoka
kimalavu na kumwagana na mwanadada
mwenye mvuto Bongo, Wema Isaac Sepetu
‘Beautiful Onyinye’ kisha kuangukia
kwenye ‘utamu’ wa penzi la mwanamama
anayekimbiza Uganda, Zarinah Hassan
a.k.a Zari au The Boss Lady, Nasibu Abdul
‘Diamond Platnumz’ ameamua kuanika siri
tano za kilichomvutia kwa staa huyo
gumzo Afrika Mashariki.
Nasibu Abdul ‘Diamond Platnumz’
akiwa na mwanamama anayekimbiza
Uganda, Zarinah Hassan a.k.a Zari au
The Boss Lady.
Akizungumza katika mahojiano maalum
katika ofisi za gazeti hili, Bamaga-Mwenge
jijini Dar hivi karibuni, bila kupepesa
macho au kuuma maneno baada ya
kuulizwa kinagaubaga juu ya ukaribu wake
na Zari, Diamond au Dangote hakutaka
kuficha, akaamua kuweka mambo yote
hadharani.
MATANGAZO
Alifunguka: “Mimi ni mwanamuziki
mkubwa na mwenye heshima, wakati
mwingine natakiwa kuwa na akili ya kuwa
na uhusiano na watu ambao watakuwa
msaada kwangu pia.
“Siwezi kuwa karibu na mtu ambaye
hataniongezea kitu chochote kile. Baada ya
kujitangaza sana Tanzania, nikahamia
Kenya ambapo nilikuwa karibu na
mwanadada Avril. Ukaribu wangu kwake,
ukanifanya Kenya kutambulika.
“Baada ya kukaa kwa muda, nikataka
nitambulike na Uganda pia, unafikiri
ningefanya nini? Nikaliteka soko lao kwa
kuwa karibu na mrembo Zari.
“Kweli nimefanikiwa na hata siku ya shoo
yake (Desemba 18, mwaka huu nchini
Uganda), ilikuwa ni balaa kiasi kwamba
sikuamini kilichokuwa kimetokea, watu
walikuwa nyomi ile mbaya. Mbali na kuwa
mwanamuziki mkubwa, bado nahitaji
kujitangaza zaidi.”
Zari na Diamondi wakibusiana
kimahaba.
MSISIMKO
Sababu ya pili aliyoitaja ni kwamba Zari
ambaye ni mama wa watoto watatu ana
msisimko wa aina yake tofauti na ‘mashori’
wengine aliwaowahi kuanguka nao
dhambini.
“Hakuna mwanaume anayependa kukaa na
msichana asiyekuwa na msisimko wa
kimapenzi. Hebu fikiria umekaa na
mwanamke mwenye umbo kama la
mwanaume, utapata msisimko gani hapo?
Lakini mcheki mtoto alivyong’aa,
anameremeta, mtoto yupo bomba, ukikaa
karibu yake tu utagundua kwamba umekaa
na msichana mwenye mvuto ambaye kila
wakati atakufanya kuwa bize
kumwangalia.”
BIASHARA
Sababu ya tatu aliyoitaja Diamond ni
kwamba mwanadada huyo yupo vizuri
kibiashara.
“Ninaangalia fedha, ili biashara zangu
ziweze kupiga hatua sina budi kukaa
karibu na mfanyabiashara mwenzangu
(Zari) kwa ajili ya kushauriana biashara
ziende vipi.
“Yeye (Zari) ni mkongwe katika biashara,
kuwa karibu naye naamini nitajifunza
mambo mengi sana.
Amekuwa muwazi kwangu na amenipa
mianya mingi ya kufanya biashara, lakini je,
nisingekuwa karibu naye, michongo hiyo
ningeipata vipi?”
Zari na Diamondi wakiwa kwenye pozi.
UZURI
Sababu ya nne ya kuwa na Zari, Diamond
alidai kwamba mwanamama huyo ni mzuri
kupita maelezo.
Alifunguka: “Mimi ni mwanamuziki
mkubwa, watoto wazuri wananipenda kwa
hiyo kama ningefanya uamuzi wa kuwa na
mwanamke asiyekuwa mzuri, maneno
yangeanza kusikikasikika na isingekuwa
poa. Mbali na kuwa mfanyabiashara,
kumtumia kama msaada wa kunitangaza,
lakini Zari ni mzuri bwana. Ni mwanamke
ambaye kwa kumwangalia tu, unaweza
kusema kwamba haujawahi kukutana na
mwanamke mzuri kama yeye.
ANAJITAMBUA
Sababu ya mwisho aliyoianika Diamond ni
kwamba Zari yupo vizuri kichwani kwa
maana ya kujitambua tofauti na wanawake
wote aliowahi kutembea nao.
Mwanadada mwenye mvuto Bongo,
Wema Isaac Sepetu ‘Beautiful Onyinye’.
“Nimekuwa na wanawake tofautitofauti
lakini kwa Zari, ni mwanamke mwenye
hekima na anajitambua sana. Si
mzungumzaji kivile na huwa anapenda
kufanya vitendo kuliko maneno.
“Anajua ni kipi anatakiwa kufanya na akili
yake ameielekezea kwenye fedha zaidi.
Hapendi masihara na fedha, anapenda
kujitoa na ni mchakarikaji sana. Nampenda
mwanamke wa hivyo kwa kuamini
kwamba atanifanya nijitume zaidi.”
AWACHAMBUA JOKATE, WEMA NA
PENNY
Diamond alipoulizwa juu ya kasoro za
warembo wakali Bongo aliowahi kutoka
nao wakiwemo mrembo Jokate Mwegelo
‘Kidoti’, Wema na mtangazaji wa Radio E-
FM, Penniel Mungilwa ‘Penny’,
aliwachambua mmoja baada ya mwingine
na kuhitimisha kuwa ni wazuri lakini
hawamfikii Zari.
Nasibu Abdul ‘Diamond Platnumz’.
UTAMBULISHO KESHO DAR LIVE
Mbali na kuziweka wazi sifa za Zari, jamaa
huyo alidai kwamba atamtambulisha rasmi
kwa Wabongo kesho usiku kwenye Uwanja
wa Kimataifa wa Burudani wa Dar Live,
Mbagala jijini Dar atakapokuwa
anaangusha burudani ya kibabe katika
Tamasha la Wafalme akiwa na mfalme
mwenzake, Mzee Yusuf na wakali wengine
kibao kwa kiingilio cha shilingi 10,000/=
kwa kawaida na shilingi 20,000/= kwa
V.I.P.
0 comments:
Post a Comment